JAAMACADDA G/GEDO ( GEDO UNIVERSITY)

Jaamacadda Gedo Malaha waa riyo-Wayn iyo lama filaan , waxaa Hal-abuurkeeda iyo in la dhiso Jaamacadan ku hawlan Aqoonyahano ka soo jeedo Gobolka Gedo iyo dadkaloo soomaali iyo aqaaniiba leh . Run ahaantii waxaa la oran karaa waa arin aad iyo aad loogu baahan yahay, maxaa yeelay Gobolka Gedo waxaa ku nool dad soomaaliyeed oo aad u badan oolagu qiyaasi karo in ka badan nus Malyuun una baahan inay helaan tacliinta sare ee heer Jaamacadeed.

Jaamacadda GOBOLKA GEDO ama (GEDO UNIVERSITY GU) waxaa lagu wadaa in laga dhiso Degmadda ugu faca wayn Gobolka Gedo ee Baardheere Soomaaliya , Baardheere oo ah meel aad ugu caan barashada Diinta Islaamka ayaa runtii ah meel ku habooon Waxbashada iyo waliba Tacabka Beeraha, Hadaba waxaa la rajeynayaa in Jaamacadda dhowaan la bilaabi doono dhismaheeda.. HALKAN KA EEG Naqshadda iyo Goobta laga dhisi doono Jaamacadda Gedo,

KOOFIL

Monday, June 30, 2008 — Jidhidhico Richard Corfield (oo ay Soomaalidu u tiqiin “Koofil”) oo kamid ahaa madaxda ciidamaddii Ingiriiska ee fadhiyay Waqooyi-Bari Soomaaliya ayaa soo hogaamiyay ciidan rakuubley ah oo birmad ahaa, rabayna in geel ay Daraawiishtu ka dhacday casar horaanteed gacanta ku soo dhigaan.
Koofil waxa uu ku gacan saydhay amar kaga yimid madaxdiisii oo Daraawiish la dirirkeed ayuu gacmaha u soo xaytay, waxa uuna ciidankiisii dul tubay buurta Dulmadoobe, halkaas oo ay iyagoo 101 nin oo raacda ahi Daraawiish u babac dhigeen. Daraawiishtii oo uu hogaaminayay Darwiish Ismaaciil Mire (AUN) ayaa ka war heshay gaadmada koofil doonayey inuu Daraawiish kaga libin qaato; geellii ay wadeen intay doc Dulmadoobe kamida isugu duween ayey u soo hub urursadeen dagaal xoogan. Barqaddii markii weerarkii bilowday ayaa daqiiqado gudohood lagu dilay Koofil, ciidankiisiina waa la jabiyay. Gacantii Koofil iyo Madaxisii ayaa debadeed la keenay
Taleex si loo rumaysto dhimashada Koofil. Ismaaciil Mire oo arintaa waa’ dambe ka hadlay wuxuu yidhi:

Adaa dunida kaligaa leh buu Koofil eersadayeKaskiisaba ma gelin wiil

SAAMEYNTA HAY'ADAHA SAMAFALKA IYO DHAXALKA AY REEBEEN.

Hay'adaha samafalka oo ay hormuud u tahay Jamciyada Qaramada Midoobay ayaa 17 sanno ee tagey waxay dalka soomaaliya ka wadeen ama ka fuliyeen barnaamijyo balaaran oo dhinacyo badan leh.waxaana ugu wayn dib u dhiska iyo horumarinta dhamaan dalka oo dhan.waxaa kaloo jira in ay dadka ka gargaaraan markii ay masiibo dabiici ah ka dhacdo soomaaliya sida abaaraha,qaxootiga ,iyo cudurada faafa. cuno ay siiyaan dadka soo bara kacey ee ku sugan dalalka la dariska ah soomaaliya sida Kenya iyo Eithopia. Hadaba dadaalkaas ay ka wadaan hay'adaha samafalka ee hoos yimaada UNka loona yaqaan NGOs kana howl gala dhamaan gobolada dalka soomaaliya ma yihiin kuwa taaba-gal ah ama wax ka bedeli doona nolosha iyo daryeelka Ummadda soomaaliyeed mustaqbalka fog ?su'aashaas ayaa u baahan in la is waydiiyo . Hay'adaha samafalka maanta waxay u shaqeeyaan sidii haydihii dowliga oo kale waxayna ka shaqeeyaan Caafimaadka,Waxbarashada,Beeraha,biyaha,dhismaha,arimaha bulshada iyo waliba siyaasada dhamaan gobolada dalka oo dhan .meeshii ay aheyd in dadku dantiisa garto oo ay qabsadaan intii awoodooda ah wixii ay xooggooda iyo maskaxdoodaba baaqaneysaa in masruuc laga dhigto arin kasta iyo waxkastoo dadka iskood u qabsan lahaayeen.